العرائش نيوز:
بن كيران والفتنة
بقلم: عبد المومن بوعشية
تحت نور الشمع، جلس أحمد، ابن الحي الشعبي بطنجة، ينصت لهرطقات بن كيران، رئيس الحكومة، ولترهاته في حق ساكنة خرجت إلى الشارع لتقول لرمز من رموز الاستعمار الجديد ” أمانديس”: ارحل.. ارحل..
كفى من نهب ثرواتنا..
كفى تشطيبا لجيوبنا..
كفى مصا لدمائنا..
لكن السيد بن كيران وبعنتريته المعروفة وبنزعة استبدادية متغطرسة، أجاب الساكنة:
أنتم ناس فتنة وراسكم قاصح، وكل مبتغاكم وأحلامكم مرفوضة بمنطق الدولة…
لم يتعجب أحمد من هجوم بنكيران وهو المتعود على سماع خطاباته الشعبوية التافهة، و قرر مخاطبته كاتبا…
عليك لامان.. عليك لامان .. لا حكومة .. لا برلمان
بن كيران يقول.. طنجة فيها الفتن
شوف الما والضو دارو قرون الثيران
الفواتير شعلات فيهم النيران
عليك لامان .. عليك لامان..
حتى الحكومة اسي بنكران
اللي أنت فيها دابا دفيان
غادا تمشي وتبقى عريان
وخا تعيا تْگفْظ مزيان
او حتى تمشي حفيان
التصريحات كيف النيران
مرة نشطان مرة زعفان
تلقي النكت الحامضة عا بالمجان
تضحك الناس بحال شارلي شابلان
ولسانك ديما فلتان
وأنت الأول اللي خسران
في الزيادة ديما فنان
عاطي للشعب للسنان
اقصح قلبك والشريان
تكول علينا غير العديان
على الشفارة جاك الحنان
وعفيتي عما سلف واعطيتي لامان
عليك لامان .. عليك لامان..
فاين الوعود وفاين الحلفان
ها TGV ها المهرجان
واللوطو باق كيف كان
باركا من اللف والدوران
وكلام يجيب الغثيان
فكر في الشعب واجي نيشان
راه كلشي فاق من الإدمان
ما بقا حاد نعسان
واللاخر هو البرهان
