العرائش نيوز:
اخوي المعاز ما بقى فيهم حليب
قالك الحكومة الجديدة قاولا الزلاط في الرويضة
وخلاوها مسكينة مريضة مرمدوها كي السميدة
قات الفيتو على الوريدة ما خلاتوشي يهمهم الزريدة
لا مسكينة الله يعمرها وليدة عندها الكلمة ناش تحيده
قالك كيفاش هد الخنشوش داغيك اكبر و وللا عتروس
البارح عاد جا من سوس واللوم انخنق بالفلوس
الشبيبيط زول الكبيبيط مرا وقالهام أنايا أو ماش نهرا
نزلو عليه مسكين الحكرا الا ما دخلشي ماماشيشي يبرا كلشي معاه الدوا
الا التراكتور علا المحراث وسكت الموطور خصو يهمهم بحدو في الطيفور
انتفخ وتمخمخ كي الدينصور
البيبيايس عايق باللعبة كفط الجلاب حتى نالركبة
ابحاط و قرد في الرحبة أمشنق في اللحية بالمصاحبة
الله يحضر الحركة و البركة حتى هي داخلة في الشركة
باغا تربح حتى هي المعركة وتصبن في الجفنة و الفراكة
يدك دالشهورا وهي معكلا شي حكومة ما هي مشكلا
هدي سياسة والا لخلا آمسكينة خلاوها منخلا
و اللوم قالولو اجمع رجلك أكلس تماكينا باحدك
قوم قوم عايط نصاحبك جمعولك امسكين فراقشك
بنكيران كان ليطحاكنا و صليب اخوي المعاز ما بقى فيهم حليب
آرا عوتنك نجربو الربيب هد الشي العايل ما فيهشي اللعيب
اوا ريتي لدنكث على جبالة ليطرفو السباط و النعالة
ولا تطحك عليهم من واله وهدي النتيجة دالبسالة
كي كنتي و كي ولليتي ها انت خويتي و مشيتي
وباراكا حتى انت عييتي افويرا اولا اتبليتي
اليوم هو عيدنا امشا بحالو خينا ما بقى دنو يزيدنا
هد الشي دنو ريدنا ايك يا وليدك على ريوايا
الفراجة هادي بلا نوايا أجي العايلة قرب احدايا
أطحك أطحك أطحك
المزوري عبد اللطيف مارس 2017
