العرائش نيوز:
افتتاح أول مرحاض عمومي “دار الوضو” تابع لشركة خاصّة (صور)
تم أول أمس الثلاثاء 2016/02/23 افتتاح أول مرحاض عمومي “دار الوضو” في المغرب بمدينة مراكش، والذي يستجيب لاحتياجات المواطنين المغاربة و السياح.
وحسب مصادر من عين المكان، فإن هذا المرفق الجديد يقع في موقع سياحي في المدينة الحمراء، وبالتحديد بالقرب من مؤسسة ضريح السعديين الشهيرة.
وأضاف نفس المصدر أنه تم تدشين “دار الوضو” بحضور العديد من المنتخبين والوجوه الرياضية والفنية والعاملين بالقطاع السياحي.
وتبلغ تكلفة هذا المشروع، الذي يعتبر الأول ضمن المشاريع التسعة المماثلة التي تسعى شركة “دار لوضو” التابعة للقطاع الخاص إلى إنجازها بمدينة مراكش مستقبلا 5, 2 مليون درهم.

وأكد صاحب هذا المشروع و هو مغربي مقيم بديار المهجر، محمد حمدولا أن “دار لوضو” تعتبر علامة تجارية لمراحيض متميزة تضع تصورا لمراحيض صحية نظيفة ومستدامة وتحترم البيئة، والتي تضم أيضا محلا تجاريا يعرض فيه منتوجات للنظافة.

وأضاف إلى أن شركة ” دار لوضو” تعتزم إنشاء مشاريع مماثلة بعدد من المدن المغربية الكبرى، بالقرب من المواقع السياحية التي تستقطب عددا كبيرا من الزوار، كأكادير والرباط وطنجة وفاس والدار البيضاء.
لكن عبد الرزاق امدجار، نائب رئيس تحرير أحد المواقع الالكترونية، له رأي آخر في موضوع المراحيض هذا، حيث أنه عنون مقاله بـ”المندبة كبيرة و المفتوح مرحاض…”. و نترك قراء الأعزاء الاستمتاع بهذا المقال و الذي ننقله لكم كما نشره صاحبه على موقع “مملكة بريس”:
[الناس كلها كتسول على اش واقع فالمدينة فالقصبة اللي فوسط مراكش الحبيبة والكل متبع والصحافة تبارك الله كل حاط على كاميرتو ومصورتو وجاي اجري ادير التغطية الحصرية والانفراجية والسبق الصحفي ، تبارك المسؤولين بقيمتهم وهامتهم ،الى قلنا السيد رئيس المجلس الجماعي المشور القصبة كاين وجا افتتح هاد البناية النموذجية بالمواصفات العالمية مكين باس جات عليه حيت هو رئيس المجلس الجماعي للمشور القصبة وهو اللي وقف على هاد الانجاز وحاجة طبيعية احضر لافتتاح هاد المعلمة الجديدة .
المشكل الكبير هو فنانة عربية مغربية اسمها ” هدى سعد ” جايا فرحانة باش تحضر للمرحاض اللي كانقولو ليه بالدرجة ” الكابينة ” اه هاد الكلمة عيب كنقوقلو ” دار الوضو ” شرف الله قدركم ، والسي ” بدر هاري ” حتا هو جا حيت مراكش سياحية ومني كيجيب معاه ” رونالدو ” يدور مكيلقا فين اقدي حاجتو ومكيرضاش ادخلو لهاداك المرحاض العمومي اللي فوسط الساحة حيت فيه الريحة .
واش بيني وبينكم هاد المندبة كملها على ود افتتاح دار الوضو ولكن حنا مني كنبنيو الدار كنبنيو المرحاض صغيرة ومكنحتافلوش بيها بيني وبينكم عمر شي مغربي بنا شي طواليت وباركو ليه الناس الطواليت ولا جاو عندو الضياف وداهم للطواليت اوريها ليهم اه نسيت قالو بلي مواصفات عالمية .. العجب واش بني البشر كلهم عندهم مواصفات عالمية ولا شي تقنية خاصة للقضاء حاجتهم ولا بمعنى اخر ياك خروج الغائط مكنختالفوش فيه وهو اللي الحمد لله كيمز البشر …. المهم بان ليا مكين لاش نشهرو اننا افتحنا مراحيض راه غيضحكو علينا الناس غيقولو هادو واقيلا عندهم مشكل مع المرحاض ونهار بدلو ليها شكل دارو حفلة .
حيث بيني وبينكم هكا كان وقع نهار بدا الضو كيدخل للمناطق النائية ومن الطرائف والنكت قاليك والو الناس كيجي عندهم الضيف وكيقولو ليه واش نعمرو ليك اتاي والا نشعلو الضو .
وهكا دابا فالمغرب الى جا عندنا شي ضيف كبير من شي بلاد غنقولو ليه واش نديرو شي وجبة غداء ولا نجيبو دويرة فالمرحاض النموذجي دار لوضو ..
تحياتي…]
