العرائش نيوز:
هايطة دالعواول مهبطين السراول ليحكمو في البلدية
المزوري عبد اللطيف
هايطة دالعواول مهبطين السراول
ليحكمو في البلدية
قالك صوتنا عليهم وثقنا بيهم
واقينا فيهم النية
اوا اسيدك قالك ماش نقيلك
ونوظف لك وليدك
حتى حاجة ما هي كاينة
ماش نقيلك والو ماقاو والو
فيهم غي الفنطاجية
ها الرفاهية ها الشفافية
دوخونا بالديموقراطية
قالو شمتك قالو الحمد لله دنو عرفتك
اقاوها بينا البوانضية
طلعو طلطعاش في طلطعاش
وشي حبيبات دالهندية
واحدزولاوواه و واحد كلسواه
شركو معاه السينية
قالام اديو كلشي وخلليولي الكرسي
اقيو دبغيتو في
هو الراجل أشباع ما ليجيشي كاع
الدنيا عاندو هانية
اواسيداك اجي العايل فينك
وزعو بينتام المسؤولية
الطلطعاش ما بقالا ما دحشحاح
ما لحقتشي نللورنية
بقاليجي النايب ودايرين به الحبايب
والسلطة المحلية
دنو قالولهام ليقيواه ولاخر ليرميواه
هذي هي الرباعة المرضية
تركو البلدية وعطاوها نالمحكمة الابتدائية
عاوتنك زادوهم المحكمة الشرعية
خوروها في القاعة الرياضية
طاحت وهي مبنية
والمحطة فاين هيا زبالة دالفلوس فيها مرمية
والقاعة الثقافية ما خصناشي الفنون الدرامية
كملوها و جملوها قالك ماش يقيو المنطقة الصناعية
فاين أسيدي فوق الارض الرطبة الهبطية
ايوا الموطع ايكولوجيا ليجيولا الطيور صباح و عشية
امفججا على ليكسوس الاثرية. أالزغبية
دبحوك بالجنوية.
الريواقة الكبيرة هي دبلاصا دسبانيا
كانت مسكينة هانية ما عليا ما بيها
قالك مش نعدلوها هما ناضو ردموها
ماكاينشي منا عواتنك خبزوها
ما كاينشي منا دابا دبطريق ليعجنوها
قالك ماش دوللي كيف كانت أقبل و أحسن
والو هدو ليطحكو على الشمايت
و يوكلوهوم الخليع بايت
و المناين دني انصرفت فاين
بردات و نهردات عاين و باين
و الله يصبحكم بخير الحبايب
هدا ما تسمع ما كاين غي المصايب