مكتب تعاضدية التعليم بالعرائش .. الإهمال وعدم التقدير للموظفين التابعين للوزارة

العرائش نيوز:

كتمشي تدفع ملف ديال المرض كتمرض ونقولكم علاش إذا لقيتي شي واحد سابقك كيدفع خصك تبقى واقف في الشمس كتصنݣع كتطرنن وأنتوما عارفين خطورة الشمس على الإنسان اللي بصحتو عساك لي جاي يدفع وريقاتو وهو اصلا مريض .هادشي ملي كيكون الجو مزيان أما فصل الشتاء ويلي ويلي .
أما إذا كانوا سابقينك بزاف غتجيك المكلفة حيث خصك تسنى بزاف ، ومعندك فين تجلس ، كاين غير تراب وربيع أصفر .
الحاجة اللي من المفروض وخصها تكون هي تغطية المساحة الفارغة سواء بالخشب او بأي طريقة تحافظ على البيئة ووضع كراسي يجلس عليها نساء ورجال التعليم .
في قطاعات وظيفية أخرى تجد شققا مخصصة لاستقبال الموظفين التابعين للقطاع ، ولن نذهب بعيدا غير ف طنجة ف عين قطيوط كاين شقة اللي كيحطو فيها الأساتذة ملفاتهم.
إيوا وحنا مالنا في العرائش منستهلوش نجلسوا في مكان يليق برجل التعليم .
اتمنى صادقا ان تكون هناك التفاتة من طرف جميع المتدخلين من أجل تأهيل المكان …
التوقيع
محمد بلمهيدي
مرة مرة كنمشي ندفع ملف مرضي وكتفرعني الشمس .