العرائش نيوز:
“واك واك الحق” على محل الإيواء في المستشفى الإقليمي للا مريم..!
رئيس المجلس الجماعي مسكين قلبه على الدراوش لي تحرقوا لهم البرارك فحي الناظور وبقاوا في الخلاء رفقة أطفالهم الصغار في البرد والشتاء، و قاليك الحمد الله التصاميم موجودة وفي ظرف شهر غادي يحل هذا المشكل وعلى ما يوصل هاذ الشهر راه محل الإيواء مفتوح لهم..
وملي سأله السي هشام على هواء العرائش مباشرة وهو تبدو عليه علامات الذهول فين كاين هاذ محل الإيواء أ السي الرئيس ؟ أجابه مرتبكا متلعثما المحل كاين في المستشفى…
دخلنا عليك بالله أ السي الرئيس قل لينا كي درتي لها ومنين جبتيها راه، ماكاين بو مركز أو محل الإيواء كيفما سمتيه لا في المستشفى ولا فالعرايش. راه لي كاين في المستشفى جمعية حنان لإيواء الأطفال المتخلى عنهم..
و فين هي هاذ التصاميم لإعادة الإيواء لي كتحدث عليها لي ما عندك علاقة بها ولي مؤسسة العمران لا زالت تشتغل عليها ويعلم الله شحال من عام خصها باش توجد غير ديال جنان باشا الشرقية والغربية وأين الوعاء العقاري المخصص للعمران لهذه الغاية.؟
وزير وركز معنا الله يهديك أ السي الرئيس، راك على الهواء مباشرة والناس كيتفرجوا فيك..!
ياك ما تبرعتي على المستشفى بشي محل الإيواء وحنا ماعارفينش ..؟ بحال لي مابقاوش الناس عارفين أش كيجري وكيتطبخ في هاذ المجلس..؟
….يتبع بخصوص تصاميم إعادة الهيكلة..
عن “فايسبوك عزيز العليكي”
